NIB si utfordring denne månaden er å vise fram ting ein
har laga sjølv. Eg likar å lage saker og ting, og gjer det relativt ofte.
Syr, snekrar litt, pusser opp og denslags... Men når det skal trekkast fram éin spesiell ting, som eg med glede viser fram, så må det bli jungelborneromsprosjektet vårt. Dessverre er det ikkje oppe no på grunn av plassmangel, og bilda vi har teke av spesielt senga er ikkje noko å skryte av. Dermed får det rekke med eitt detaljbilde av den. Det siste og
største jungeltilskuddet har vi derimot bedre bilde av...
Ein elefant!
Den gong då storebror enda ikkje var blitt storebror, og hadde heile det vesle soverommet i studentleilegheita for seg sjølv, då hadde han
ein heil liten jungel der nede. Pappa
snekra køyseng spesielt tilpassa det vesle rommet, og mamma
sydde lianer. Underkøya vart vesle storebror sin fristad i form av ei heilt privat
løvehole...
Lianene er kjapt maskinsydd, vrengt
(langtekkeleg del av prosessen) og sidan sydd fast til ei laaang remse av
borrelås. Den andre borrelåsdelen er
stifta fast til innsida av den øverste køysenga. Slik er det
lett å ta av og på lianene dersom det skulle vere naudsynt, med tanke på vask eller eventuelt dersom senga skal lånast ut til vaksne gjester som ikkje synest det er like staseleg å sove i ei lianedekt løvehole...
Og elefanten? Einkvar
jungelkonge med respekt for seg sjølv nyttar jungelens deisdert største dyr,
elefanten som transportmiddel. Difor snekra vi ein gyngeelefant og bøgde til meiar, alt av kryssfinér - med kosteskaft til handtak. Vi limte, skrudde, sparkla, spraymalte og detaljdekorerte til slutt med tynn pensel. Til hale brukte vi tjukt, naturfarga hamp.
Det er kjekt å legge eiga bornlege sjel i innreiinga av eit
leikent bornerom! Og det er kjekt med varige leikar som er heilt unike og personlege.
Av anna nemneverdig
"tilbehøyr" på jungelrommet kan eg nemne
skilpaddesakkosekk - skilpadda var kjøpt hos IKEA, men sakkosekkposen med fyll sydde eg sjølv, ettersom IKEA kun hadde luftpute som dei solgte ved sidan av. Elles er
WheelyBugs kjekke, plassvenlege til små golvflater, og ikkje minst så er dei inspirert av dyreverda. Vi har ei
marihøne.
Løvehola vart forøvrig vokta av intet mindre enn ei løve. Eg er usikker på om dei sel dette enda, men den gong då hadde dei i alle fall
løveteppe i fleece på IKEA - og det passa oss og løvehola midt i blinken! Og så hadde vi sjølvsagt eit utval andre
jungeldyr i plysj; apekatt, krokodille, flodhest og sikkert meir til.. Eg gler meg til vi kan ordne i stand eit jungelrom igjen, men det må nok vente til huset er klart og ungane kan få kvar sine rom med god plass..
