Alternativguide Del2

Eg kan like gjerne advare først som sist; Er du mann er gjerne dette ikkje det ultimate innlegget for deg.. Du brukar truleg lite innlegg, og er truleg ikkje interessert i innlegg, bind og tampongar eller anna i den gata. Gitt at du ikkje er spesielt interessert i denslags av uvisst grunn, eller så sant du ikkje er spesielt interessert i kvinners velvære sjølv på dei tidene i månaden då kvinner stort sett føler seg lite vel uansett kva dei bruker av den ovanfornemnde. Og det trass i alle bind- og tapongreklamane sine mange lovnader om komfort, velvære, sjølvsikkerheit og you name it.. Kan ikkje sei at eg har fått kjent så mykje på noko av lovnadane desse produsentane har kome med, mensen går generelt ikkje hand i hand med hverken komfort eller velvære for mitt vedkommande uansett kva bind eller tampong som vert nytta.

Kanskje har mannen i huset rett. Kanskje er dette vel personleg og vel sært til å publisere på denne måten. Men det er berre det, at hadde eg kome over alternativet eg no skal fortelle om tidlegare så hadde eg hatt det litt bedre med mensen langt lenger tilbake i tid enn kva eg altså har hatt. Så eg let mannen bite i det sure eplet, og vel å dele det med dykk allikevel. Men eg må sei, eg forstår at nokre av dykk gjerne vil rynke på nasen av dette (eg gjorde det sjølv første gong eg høyrde om det), og at fleire gjerne ikkje kjem til å sjå på det som eit reelt og aktuelt alternativ for eige vedkommande (eg brukte tid på det sjølv, før eg bestemte meg for å prøve..).

Vel, here goes...

Bedre enn nokon bind, tampongar eller truseinnlegg eg nokon gong har forsøkt er mooncup'en, menskoppen, mensbegeret.

Kjært born har mange namn. For ja, det er verkeleg eit kjært born! Mitt er av merket lunette og er kjøpt hos Bleieboden. Bortsett frå at menssmertene er som dei pleier, så merker eg ikkje lenger at eg har mensen, og det er rett og slett ein befrielse (kven liker vel å ha mensen, og å gå med dei vemmelege binda eller dei ekle tampongane?). Begeret kjem forøvrig i to ulike størrelsar; ein for kvinner som ikkje har debutert seksuelt og/eller har små blødninger, og ein størrelse for kvinner som har debutert seksuelt og/eller har større mensblødninger. Alt etter kor mykje ein blør, tømmer ein begeret frå to gonger i døgeret og oppmot fire gonger, alt etter personleg behov.

Begera er laga av medisinsk silicon og er snilt mot kroppen, i motsetning til tampongar ved hyppig bruk ettersom tampongane tørkar ut slimhinnene. I tillegg til ved bading og sport generelt, kan begeret brukast også om natta. Men første natta i perioden brukar eg bind som ekstra sikring med tanke på lekkasje. Ellers er mi erfaring at det er ikkje nødvendig med noko i tillegg til begeret. I alle fall ikkje etter at eg vart vand med å bruke begeret, noko som sjølvsagt krevde nokre periodar ettersom det er ei treningssak å få det på plass slik det skal ved vakuum mellom begeret og sjedeveggane, slik at det ikkje lekker. 

For å sette inn begeret bretter eller ruller ein det saman, slik at diameteren vert mindre, tilsvarande ein stor tampong omtrentleg. Ein set så begeret inn som ein tampong, men fører den ikkje like langt opp i sjeden som ein gjere med ein tampong. Når ein er vand med bruken av begeret kjenner ein ved å vri og dra lett i begeret om det er på plass slik det skal eller ikkje, men fram til ein er trygg på bruken er det ein fordel (med tanke på eventuell lekkasje) å kjenne etter med ein finger om begeret er folda heilt ut eller ikkje. Det følger forøvrig gode instruksjonar med begeret.

For reingjering vaskar ein begeret med vatn og såpe (fortrinnsvis uparfymert), og heller over kokande vatn. Eg har ein eigen boks med lok til som eg oppbevarar begeret i når det ikkje er i bruk, og som eg også har begeret i når det skal steriliserast med kokande vatn. Då kokar eg opp vatn, som eg så heller over begeret liggande i boksen. Let begeret ligge i vatnet nokre minutt før eg heller ut vatnet, og let det stå og lufttørke før eg set loket på boksen.  Enkelt, hygienisk, komfortabelt og ikkje minst miljøvenleg. Vil ein dra'an heilt ut og verkeleg gå for eit miljøvenleg alternativ, så kan ein bruke tøybind som ekstrasikring den eine natta eller dagen i perioden som ein eventuelt føler trong til det :)    

Bilda er lånt frå Bleieboden, mookychick.co.uk og menstrualcupinfo.wordpress.com

Har eg klart å vekke nysgjerrigheita di det minste lite grand, så foreslår eg absolutt at du tek turen innom Bleieboden.no for å lese meir om mensbegeret. Det er verkeleg verdt eit forsøk, for om det er noko på marknaden som kan revolusjonere opplevinga av å ha mensen, så er det utvilsomt menskoppen! Eg anbefalar den av heile mitt hjerte. Aldri meir klamme bind og truseinnlegg eller ekle tampongar som tørkar ut slimhinnene her i gården i alle fall, for eg går definitivt aldri vekk frå denne praktfulle løysinga etter at eg først prøvde den. Aldri! 




PS; Når du først har prøvd den og lært deg å bruke den, er eg ganske sikker på at du ikkje kjem til å bruke noko anna meir du heller ;) Lykke til :)

Sjå her

De som har fått med dykk mitt tidlegare innlegg om tøybleier (du kan lese det her);
eg kom akkurat over ein fin artikkel, med lenkjer til andre nyttige sider, på BabyVerden.

Der er det ei anna mamma som brukar tøybleier på bornet sitt, som fortel om si erfaring, og vidare er det fleire andre mødre som kommenterar artikkelen med sine erfaringar. Berre eit tips ;)

Du finn artikkelen HER!

Alternativguide Del1

Arbeidet vi gjere er berre annleis arbeid...

Heime hos oss arbeider vi altså ikkje meir, sjølv om vi i hovudsak bruker tøybleier i staden for eingongsbleier på snuppa. I staden for å stadig tømme bossbøtta på badet for illeluktande "gåvepakkar", så plumper vi ulumskhetane kjapt og enkelt i do og så vasker vi bleiene i maskina. Vi har óg ein væte- og lukttett pose som vi samler opp bleiene i før vask - posen heng i ein eigen krok på stellebordet.

Mange forestiller seg at det er langt meir arbeid med tøybleier enn med eingongsbleier, men det er altså ei myte. Vi brukte eingongs til eldstemann og i nokre månader til snuppeliten (før vi "oppdaga" tøybleieverda), så vi har etterkvart god erfaring med begge deler. Best erfaring har vi med tøybleiene, så til eventuelle framtidige born kjem vi også til å bruke tøybleier. Færre såre stumper, ingen ukjende stoff i kontakt med bornet si hud og mindre belastning på miljøet er dei viktigaste grunnane for vår val.

For at tøybleiene skal vere eit absolutt miljøvenleg alternativ, er det vesentleg at ein vaskar bleiene på max 60 grader, brukar miljøvenleg vaskemiddel i moderate mengder og at bleiene m/tilbehør lufttørkar. Eg må dessverre medgje at vi syndar på eitt og eit halvt punkt; innimellom kokvaskar vi bleiene og bleieinnlegga trommeltørkar vi alltid saman med handdukane på grunn av mangel på tørkeplass. Dermed er miljøbelastninga for vår tøybleiebruk ikkje like mykje redusert som den kunne ha vore, i høve til bruk av eingongsbleier. Men gevinsten i høve bornet si hud er framleis like stor, og skilnaden mellom tøybleiene og eingongsbleiene er Stor!

I tøybleieverda finst det eit hav av bleier å velje mellom, med ulike kvalitetar akkurat som i vrimmelet av eingongsbleier som dei fleste småbornsforeldre kjenner til. Vi brukte ein periode FuzzyBunz men så gjekk vi over til bum genius som passa oss bedre. No brukar vi kun bum genius og er veldig godt nøgde! Det er ei onesize lommebleie (ein legg innlegg i med god oppsugande evne alt etter behov) som veks med bornet og passar frå nyfødt og fram til bornet sluttar med bleie. Kjempepraktisk! Og prikken over i'en; ein går Aldri tom for bleier, så søndagar med stengde butikkar er Aldri eit problem.

Skulle gjerne fortalt deg alt du trengte å vite for å ynskje å gå til innkjøp av tøybleier og prøve det ut (og bli heilfrelst), men eg kan dessverre ikkje meir enn berre nok til eige bruk. (Akkurat nok til at kvardagen med bleieborn er Lett). Det eg derimot kan gjere er å anbefale nettstaden der eg kjøpte tøybleiene; Bleieboden. Der finn du det du treng av informasjon, og bestemmer du deg for å kjøpe bleier så har eg god erfaring med å bestille frå denne nettbutikken. Dei er serviceinnstilte og har superrask levering!