Systove!

Eg seier det igjen - no er det lenge sidan sist blogginnlegg!
Det vart vel mykje det siste halvanna året,
Med avsluttande studiar, bryllaup, flytting x 2, 
og ikkje minst ny jobb med nye kollegaer og nye oppgåver.
Men jammen har det vore kjekt også,
så bloggen har rett og slett blitt gløymt..

No er kvardagen nokon lunde stabil igjen,
og det er uvant, så no trakker vi til
og får kvalp i løpet av helga 
og med barn nr 3 på veg.. 

Er for tida sjukemeldt ifb svangerskapet,
og held meg helst heime.
For å ikkje forgå av å kjede meg,
så har eg etablert systove i spisestue-delen
av stova vår :) Noko må ein jo ha å gjere,
mellom spyturer og sovepauser på sofaen ;)

Blåmandag?

Ikkje for å klage, men første dag etter ei loppishelg kjennest verkeleg ut som ein blåmandag. Eit lite antiklimaks heilt enkelt. Kva skal eg gjere no, når eg ikkje kan sjå etter gamle, og hittil degraderte, vekkgøymde skattar? Hadde eg hatt plassen og utstyret umiddelbart tilgjengeleg så er eg ikkje i tvil om at kista vi fann og kjøpte på laurdag skulle fått sett starten på sitt nye liv. Men verken plass eller utsyr er å oppdrive nett no.

Men, om ikkje pussemaskina får svinge seg i dag, så kan i alle fall symaskina svinge seg i valsen. Så vert det noko av nokon av loppene mine i dag allikevel. Kanskje kan det bli noko til Raudhette-rommet til vårt vesle dunder..

Jo, mandag er ein fin-fin dag ♥, for å bruke ei vending som vårt velse dunder sitt store, oransje idol Fantorangen ville brukt.

Eg har fått lopper...

Dette er ei fugleloppe. Ein av fleire fine loppemarknadskattar ♥ Denne helga har vore rett triveleg. Besøk på loppemarknader, besøk av familie og vener og elles tilfeldig prat med flotte folk, god mat, avslapping, sølvpuss, latter og eigentleg ganske bra vêr... Kva meir kan ein ønske seg den første helga i april? Eg har faktisk, i teorien, lært korleis eg skal ta avleggarar av lavendelplantar. Og visst eg berre greier å omsette teori til praksis, så skal det etter kvart bli reine lavendelland rundt VillaSørheim om nokre år ♥
 

Apropos lopper - ord som betyr fleire og vidt forskjellige ting - eg fekk kjøpt eit knippe heklabrikker som må bleikast. Desse kom eg på medan eg leika i lag med ungane i ettermiddag: "Nei, eg har visst nåkke eg må klore" sa eg, og reiste meg for å avslutte leiken. "Eeehm..!?" svarte storebror i huset nølande "eg håpa ikkje det er meg du har tenkt å klore!?". Eg knakk i hop i latter då eg forstod kva han eigentleg hadde sett føre seg, men han derimot syntest ikkje det var morosamt at mamma kunne komme på noko så bak mål - å skulle klore ungane sine med negler på krumma fingre, akkurat som at det skulle vere like artig som å kitle nokon..

Nostalgiske heklabrikker passer vel perfekt saman med sølvfat, pynta med ein enkel sølvlysestake, ein sølvfarga spurvefugl med stjert til å åpne flasker med, ei smørbrødklype i sølvplett og ei skjønn bjelle.. Sistnemnde skal toastmasteren få æra av å ringe med i bryllaupet vårt tenkte eg - om ho skulle trenge noko med skarp lyd til å fange merksemda med.

Denne helga har eg lært at å pusse sølv er ikkje det kjekkaste eg veit medan eg pusser, men etterpå derimot kjenner eg meg som ei vassekte kråke. Eg kjenner det frå topp til tå når metallet glimer blidt til meg, og eg blir så glad så glad når eg veit det er mitt! Mitt fat - for det var eg som fann og kjøpte det, og mi glimring - for det var eg som pussa det og fekk fram det fine mønsteret og det vakre skimmeret... Nydeleg ♥

Eg fekk meg enda eit lysfat, og ei smørbrødklype til, og så ei enkel og skjønn glaskrukke med lok. Prisane var enkle og skjønne dei også.. ♥ 30,- for alt på bildet under er ikkje verst!!

Vi fekk oss nokre større lopper også. Ei svær kiste i heiltre, malt i verdas kanskje grellaste farge. Takk og lov for pussemaskiner og malingsutstyr, for denne kan verkeleg bli fin når sommarferien har fått virke på meg sjølv og dermed også på kista ;) Slagbenken skal også pussast og malast, sjølv om fargen eigentleg er grei - den er berre ikkje så fint påført og har elles ein del overfladiske skader.. Men så lenge den vert ståande i entréen i denne leilegheita er den god nok som den er, så den får vere sitt gamle, gode enda nokre månader før den kjem i pussemaskina og malekosten si vald den også.

Mitt siste funn var det største røvarkjøpet også. Eg fekk ei gammal klesrulle til ein skarve hundrelapp. Fullt brukbar også, sett vekk frå ein alminneleg skrue som må byttast, eller om eg er skikkeleg heldig så treng den berre etterstramming. Det verste er at eg angrar på at eg ikkje kjøpte begge - for ja, der var to som var heile og fine!! Men men... Mannen er nok glad for at eg berre tok den eine ;) ...ellers hadde han kanskje pakka kofferten og dratt? ...i alle fall kanskje på langhelg heim, med eit flyttelass, allereie i morgon, sånn for å få unna litt før den verkelege flyttinga med alt av nytt og gammalt pikkpakk tiltar om berre få månader...

Og ja, for ikkje å gløyme; Det vart jammen litt tekstilar på meg også, som skal få nytt liv som kostymer, vimplar og sikkert som kjolar også. Mulig eg må sy nokre klede til storebror også, for han synest det er kjedeleg at det berre er veslesyster som får heimesydd. Men kjolar er enklare enn bukseplagg tenkjer eg, og difor slo eg til når eg fann ei loppis-bok om sying med enkle mønster for nybegynnarar.. Så får vi sjå kva det blir til.

Og med dette har eg vist fram det meste av denne helgefangsten. Veit om to fine loppemarknader i området neste helg også, og om mannen tillet at eg potensielt kjem heim med enda litt meir dill og dall no før flyttinga, så tek eg meg gjerne ei skattejakt neste laurdag eller søndag også. Loppemarknader er kjekt!

Personleg Warhol-kunst på veggane

Eg har blitt veldig inspirert av å arbeide med hjortebildet som eg gravde fram frå harddisken her hin kvelden tydelegvis... No ligg det haugar av bilder med denne hjorten på maskina, i allslags fargar og ulike komposisjonar.

Dette siste bildet i rekka er, som du sikkert ser, til ei viss grad Warhol-inspirert. Pastell-inspirasjonen har visst slått inn også når eg tenker meg om...

Kanskje blir det eit litt meir fargesprakande hjortebilde, enn det forrige hjortebildet eg viste fram, som får pryde ein av veggane Heime hos Oss når huset står ferdig? Ikkje alltid godt å vite kva ein vil trivast med i lengda; plain and simple i gråtonar, eller ein humøroppkvikkande fargeklatt!?

Hekla gryteunderlag

Hovudproblemet mitt i høve kjærleiken til hekla greier av stort og smått, det er nettopp det at eg ikkje er spesielt flink til å hekle sjølv. Eg skulle gjerne ha vore flinkare for å sei det enkelt.. Og ellers må eg innrømme at eg er glad Mormor, heklemester Nr1, ikkje er og snik rundt i bloggverda så ho kan få auge på dette makkverket av eit hekleri hos bornebornet...

Eg har lenge hatt ein haug av slike blomar - berre senteret og ikkje med dei grøne blada - for då eg var gravid med vårt vesle dunder, så hadde eg planar om å lage eit pynteteppe til vogna... Noko som ikkje var rosa eller lilla, ettersom det ofte blir overlass av dei fargane sånn ellers. Men sommaren 2008 gjekk fort, og då snuppa først var født og klarte seg vel og bra med arveteppe frå broremann, så vart hekleprosjektet liggande...

Heilt til no i veka, ein kveld då eg heller skulle skrive oppgåver i samband med studiane og febrilsk prøvde å finne noko anna å henge fingrane i.. Men enno treng vi ikkje noko nytt pynteteppe til noko barnevogn (skjønt, eg burde gjerne begynt no dersom det skulle bli fleire knøtt innan det neste tiåret..). Så dermed tenkte eg å lage maaange i alle fall eit par gryteunderlag.

Blada som eg då hekla på synest eg at vart greie nok, men ramma rundt det heile (eller kva eg no kan kalle det) er alt for slamsete (sjølv om eg hadde tenkt å hekle meir på enn berre desse tjafsane som syner her...) Eit gryteunderlag bør gjerne vere av vesentleg storleik og tjukknad, sånn mellom gryta og bordet, for at det skal kunne fungere som gryteunderlag (jf bordskånar) i det heile? ;P 

Eg er og har alltid vore særs glad i (gode) QuickFix løysingar. Eg er heilt enkelt utolmodig av natur når det kjem til saker som dette. Difor skulle eg veldig gjerne fått komme over nokre enkle og fine løysingar som eg kan nytte, for å få laga ferdig desse gryteunderlag-to-be hekleria mine. Oppskrift er strengt tatt ikkje nødvendig påkrevd, men bilder derimot er kjærkomne... :)

Så: Er det nokon der ute i Bloglandia som sjølv har eller veit om noko å vise til?  ...eg sit no her eg... og held inne F5-knappen i håp om ein liten kommentar med ei hensvisning til rette vedkommande.... :]

Litt nytt og heimelaga

Vel, det fyrste eg vil vise er i grunn ikkje nytt lenger. Eg har berre ikkje komt på å ta bilde av den, før i går.. Gutungen var faktisk den som valgte ut at vi skulle ha denne, då det stod mellom fattigmannssølv og ei sånn der pyntekrone i antikkfarga stål. Eg vann eit gåvekort på Panduro for litt sidan, i ein blogcandy, og det gikk altså med til å betale denne i tillegg til litt hobbyting ;)

*Stadig hekta på fattigmannssølv*

Og det som gjorde at eg kom på å ta bilder i går, det var kremfarga potteroser fra Rema1000 til den nette sum av kr 29,-

Det er så kjekt med friske blomster i heimen, men eg er i grunn ikkje overbegeistra for å skulle kjøpe bukettar til meg sjølv. Kjekt å få, men ikkje noko eg kjøper sjølv for å pynte i heimen... Dei visnar så fort, og dessutan har dei ein tendens til å bli ståande inne i vasen lenger enn kva som er helsigt, fordi det er noko herk å få kasta bukettar (med ofte lange stilkar) i vanleg boss. Nei, då er det kjekkare med blomster i potte. Og så roser, og så sååå billig!? ...er det ikkje!?... Fiiine synest eg i alle fall, og dessutan var det på tide at denne potta frå IKEA fikk jobbe litt igjen. Med den høge dødsraten på levande plantar her i heimen, så har vi uhorveleg mange blomsterpotter som står arbeidsledige og støver einsame ned på terassen, i kjøkkenskap og under trappa :S ...eg arbeider med å gjere fingrane mine grønare, så eg får sysselsett pottene igjen ;)

So far, so good! :)

Og så har eg gjort litt handarbeid etter gammalt. Når eg no seier litt, så meiner eg verkeleg litt. I løpet av nokre skarve timar (trur ikkje fullt det eigentleg kan snakkast om timar i fleirtal når rett skal vere rett), med TV'en som godt selskap, så kom denne syltetøyglasdrakta til. Her har eg trekt eit tomt syltetøyglas med hekla "klede", og brukt det som telyslykt. Synest lyset denne lykta gav frå seg var ganske så fint, og dessutan så framstår lykta i seg sjølv som ganske romantisk med denne heklaoutfit'en ;)

Det er forøvrig ikkje noko i vegen for å trekke eit fullt syltetøyglas med heklaoutfit. Då gjer det seg minst like fint på frukostbordet, som syltetøy i skål. Og dessutan er det langt meir sytalaust å kle på og av eit syltetøyglas når ein skal dekke kjøkkenbordet til søndagsfrukost, enn å helle sylta over i ei skål for så å helle det tilbake i glaset att når bordsetet er over :) Forsøk på å fortelje korleis eg har laga trekket finn du HER, men som det kjem fram av innlegget der, så er ikkje oppskrifter og fagutrykk innan hekling heeeilt mi greie ;P

Lykke til med heklinga, om du kjem nokon veg med "oppskrifta" mi :)