Haustkos

Eigentleg likte eg det ikkje.

At hausten kom.

Eg venta jo framleis på sommaren,

då eg fekk høyre at

"no er hausten her..."

Alle besteforeldrene har vore i sydlege strøk.

Fått ein smak av sommar,

enda sommaren aldri eigentleg kom her hos oss.

Eg er alt begynt å gle meg til neste sommar.

Då må det vel bli bra temperatur og badeveir?

Og medan eg drøymer om varme dagar,

så nyt eg mørke haustkveldar.

Inne tenner mor alle lys,

og ute er det også fint med levande lys.

Siste utgåva av BoligDrøm er komt i hus,

og eg kosar meg og drøymer meg vekk med det også.

På måndag får eg mi første lønning,

etter ei årrekke som student.

Rett nok berre ei halv månadsløn,

men det er då meir enn kva eg har fått

i løn på år og dag!

Eg fortener ei PiP-Studio skål.

Eller kanskje to...

Nyt helga!



PS: Det er hardt å begynne å jobbe,

etter lang tid i det herlege studenttilværet...

Overskuddet er ikke på topp med andre ord,

men eg satsar på at det vert betre når eg berre blir vant.

Og då vert det gjerne meir ork til bloggings også. Trur eg :)

Avslapping på flaske

Eg hadde, som eg har fortalt før, bursdag i helga. Og i dag, medan eg sit med nasa i norskbøker ettersom eg skriv på ein eksamen, og har begynt å få vondt i rumpa og ryggen etter for lang tid med stillesitting foran PC'en, så fekk eg ei veldig hyggeleg overrasking i posten :) Sånt gjer noko med det ellers mutte eksamenshumøret! :)

Overraskinga var ei gåve frå mi kjære navnesyster og barndomsvenninne, og den var berre heilt herleg! Innhaldet er ikkje berre avslappande, men faktisk tilfredsstillande for såvel humøret som for lukteorganet, og eg kjenner (no som eg har spraya heile huset) at lykka sprer seg i kvar ei nerve i heile kroppen. Lavendel-spray <3 <3 <3

Visst du óg har lyst på ein slik rom-parfyme (i mangel på anna, bedre definisjon av produktet), så fann eg ei nettadresse der du kan komme i kontakt med forhandlarar på etiketten av flaska: www.sjarmtrollparty.no ;)

Og i kveld fekk eg besøk av ei venninne som bur like ved, og ho hadde med seg ei nydeleg klar glaslykt frå Hadeland med lys oppi, som passa fint oppå den eine hylla vår. Og når vi har fått oss hus skal den nok få seg ein enda finare plass å stå, så den kjem meir til sin rett :) Forresten fekk eg óg ein pakke med 18 lavendelduftande telys, ved sidan av lykta, som kort :D *LYKKE*

No luktar det godt her Heime hos Oss ;D

Gårsdagens bursdagsborn

(aka Megsjølv) har hatt ein super bursdag i år også! Vart vekt av to blide unger  (og ein blid mann ;) med ei stor, sjølvinnpakka gåve. Den var så stor at far i huset måtte hjelpe dei med å bære ;P Burde hatt bilde av innpakkinga, for den var kreativ, men eg fekk raskt hjelp med å rive det av, så tid til å hente kamera var det i alle fall ikkje.
Inni gåvepapiret skjulte det seg forresten ei nydeleg fin lykt som kjem til å passe perfekt ute ved inngongspartiet, på trappa til vårt kommande hus.. Eg gler meg! Enn så lenge får lykta pryde den vesle veggplassen mellom sofaen og TV-benken.

Lykta er innreidd med eit stort lys oppi ei enkel lyslykt i klart glas (er ekstremt redd for flammar og potensielle brannar, så eg likar å ha sikra meg dobbelt først som sist ;), og elles med masser av kongler rundt glaslykta inni lykta.. hehe :) Må jo bruke dei sjølvplukka og sjølvmodna (les: omnsbakte) konglene, når eg først har lagt ned så mykje arbeid med dei :D (Klikk på ein av linkane i dette avsnittet, så kjem du til innlegget eg skreiv om kongleeksperimentet mitt ;)

Elles har eg fått pengar av både svigers, svoger og mine eigne foreldre, så no har eg ny jakke frå VeroModa, god lue med brem, og herlege, elegante skinnhanskar frå H&M, og enda har eg pengar til overs (og har ikkje tenkt å bruke dei på EuroPris, som eg plutseleg kom på når eg avslutta setninga som eg gjorde).. :D

Det er skjønt å ha bursdag med andre ord ;D

...og så må eg ikkje gløyme, eg fekk eit nyyydelig skilt frå FarmorsHus som skal pynte opp heimen, av den eldste av mine to småsystre - som altså er på besøk i helga :) (Var forresten på FarmorsHus sjølv i går, og fekk fylt opp lageret med lavendelduftande Durance-produkt ettersom eg snart var tom :)

Mannen har bestilt London-weekend til oss på nyåret, så enda har eg gåver å glede meg til (reknar med det blir shopping i London, sjølvsagt ;) Eg har planar om litt loppemarknad-besøk, litt vanlege butikkar og litt kunstmuseum. Mannen er muligens lysten på å sjå ein musikal, så vi burde kanskje sette oss ned og sjå kva som går og få tak i billettar snart, har høyrt det kan bli fort utseld... :) *gler meg*

Eg kan avsløre at dette er vår fyrste "ordentlege" kjærastetur på 7år!!!

Så det er på høg tid med andre ord :)

*Takk til snille besteforeldre som ikkje nølte med å sei ja til å passe unger*