Nedtelling

I dag er det berre 100 dagar igjen til vi giftar oss! Og 100 dagar er jammen ikkje lenge. Skulle ønske eg kunne sakke ned på tida litt. Men å halde att klokkevisarane eller eventuelt å gå meir drastisk til verks, og ta ut batteria i alle huset sine klokker hjelper fint lite. Tida er sin eigen herre, og nett no vil eg legge til "dessverre"..

Det er ikkje det at eg ikkje vil gifte meg. At eg har kalde føtter. Langt derifrå. Det er meir det at eg held på å gå varm. Eg må vel sei at eg har ikkje tenkt nøye nok igjennom val av tidspunkt, enda kor planlagt det heile enn er og var.. Mannen har sitt på det reine, han var tidleg ute med å stille spørsmålet "kva med juli eller august?".

Det er herleg å svinge seg under eit plommetre,

spesielt når ein kan nyte modne frukter samtidig!

I mai vert eg aleinemamma i vekedagane - med eksamenslesing og eksamen, og første veka i juni har eg siste eksamen. Vekene etterpå vert det flyttesjau og barnehageavslutting og -avskjed for begge husets born. Og vips, som ved eit trylleslag, så er dei nemnde neste hundre dagane gått og bryllaupsdagen står for kyrkjedøra. April må bli ein effektiv månad. Då skal eksamenslesing unnagjerast i lag med særemne og forprøver, alt av bryllaupsplanar må vere lagde og ei gradvis nedpakking av "unødvendigheiter" i leiligheita må vere påbegynt. Phu! Eg vert sliten av tanken..
Kanskje hadde mannen eit poeng med juli eller august allikevel? Det er lett å vere etterpåklok ;)

Desse hadde ikkje vore verst heller...

(Bilde frå Bohus)

Men mannen sine snusfornuftige innvendingar haldt heilt enkelt ikkje stikk mot mine argument: "årets finaste helg" og "mamma og pappa sin bryllaupsdag". Og tilbakelent som eg er, så legg eg meg no bakpå og tenkjer litt over alt som skal gjerast i eit par veker til.. Heilt til tidspresset tynger slik at ekstragiret set inn av seg sjølv. Sjølv om det ikkje er ein taktikk å anbefale andre, så må eg få sei at; det fungerar alltid! Heldigvis :)

Eg likar lilla. Det får meg til å tenke på lavendel,

og eg elskar lavendel! Hekla-saker har eg elles ei svakheit for også,

og summa summara er denne puta frå Bohus midt i blinken med andre ord...

Smak av sommar

Ååå kor eg kosa meg når eg gikk gjennom bildebanken til Bohus!! "Den vil eg ha, sånn vil eg ha, og åååååå... Sånn skal eg ha! Knut, sjå! Den skal vi ha, saant??" Knut nikka, men eg hørte at lommeboka krympa seg nede på kommoden i gangen... Stipendet har nett komt på konto, så den er etter måten full, men det betyr allikevel ikkje at den faktisk er full. Kan ein konto bli full forresten?

...noko å tenke på...

Ein dag skal eg kunne sitte på ei lita brygge nede ved naustet, med beina til avkjøling i salt sjø, medan eg kosar meg med eit kaldt glas heimelaga saft av bær frå eigen kjøkkenhage. Men i sommar "nøyer" eg meg med å sitte på svaberget, med beina til avkjøling i salt sjø, medan eg kosar meg med... noko kjøpt...

Kanskje kunne ein laga slike skjønne spisebrikker sjølv. Trur kanskje til og med at eg kunne klart det. Men det spørst om det ikkje hadde blitt liggande halvferdig... Eg las ein plass om ei som samla alle sine halvferdige handarbeid i ei korg og hadde denne til pynt. Ho meinte at halvferdig handarbeid er estetisk i all si ufullstendigheit. Sånne saker burde eg sjå det estetiske i også. Knut óg forresten..

I fjor sommar lagde eg nokre gamle eplekasser om til ein krydderhage. Relativt vellykka prosjekt. Det vil sei - det vart ikkje ståande halvferdig. Håper det er liv i kassane i år, når vi kjem heim nærare våren. Eg liker gamle kasser, og eg liker nye kasser som ser ut som dei er gamle. Ei kasse som denne har eg lyst å brukte til oppbevaring av eit utval av interiørblada våre.. Eg kunne hatt mange slike kasser som denne, i ulike størrelsar til ulike formål. Så godt liker eg sånne "gamle" trekasser.

Vi har mata fuglane i vinter. Dei er ikkje like interesserte lenger. Meisebollane heng lenge utan å sjå ut til å minke noko særleg. Det må då vel vere eit sikkert teikn på at no er det endeleg vår i gjære? Sjølv om pippen på bildet nedanfor ikkje et stort, så var han allikevel skjønn. Ikkje vekker han morgongretne natteranglarar alt for tidleg om morgonen heller, med overivrig fuglekvitter før sola er oppe. Eg liker fuglekvitter altså, men eg kunne likt stille-fuglar også!

..Og med ei dagseng i hagen hadde sjølv den morgongretne ikkje brydd seg om å bli vekt tidleg av fuglekvitter!? Sommarfuglar er det neste store virkar det som. Eg er ikkje lei meg for det. Sommarfuglar er nydelege - og tek seg like godt ut som motiv på tekstilar og bilder som dei gjere i levande livet.

..og dette var berre ein brøkdel av det som var å sjå blant varene som kjem hos Bohus; ein del av min utvalde brøkdel.. Tenker å lage meg ein liten uteinteriørcollage med hagemøblar eg helst ser føre meg på plattingen utanfor spisestova vår.. Men det var så mykje fint å finne av interiør og bilder, at noko rett og slett berre må sparast. Og dessuten: no er det kvelden her Heime hos Oss ;)

 




PS: Du har sikkert skjønt det, men alle bilda er altså lånt av Bohus ;)
...eg har berre laga shabby-kantar på dei, i tråd med dei fleste andre av bilda som eg legg ut her...

Humor i kvardagen

I det siste har det stadig rent inn søppelpost frå allslags e-postadresser, med under tittelemner som Enlarge your penis, Viagra wonderworld, Do you want a larger penis? og så vidare. Mange. Kvar dag. Mannen har spurt om han burde vere bekymra, og når eg har avkrefta grunn til bekymring og fulgt opp med "Kor kjeme alt av sånn søppelpost i frå!?", så har han svart med å gi meg eit aldri så lite overbærande blikk med høgt heva augebryn - "Det har sannsynlig litt å gjere med ka sider en oppsøker og legger igjen eposten sin hos vil eg tru....?"

Hmmh... Dessuten, og missforstå meg rett, så måtte eg vel eventuelt hatt ein kjønsskifte operasjon før eg eventuelt bestilte ei penisforlenging? Ellers så var jo mitt blåaugde spørsmål eit gyldent høve til å lire av seg ei frase, som heilt eigentleg var ei aldri så lita fanfare verdig. Eg lo like mykje av kommentaren til mannen, som av dei første av den etterkvert lange rekka e-postar som ramla inn i innboksen.. Og forresten er eg ikkje på snuskesider og legg igjen e-posten. Berre så det er sagt. Eller meir presist: Eg er ikkje på snuskesider og snokar. Men seriøst. Korleis kvitter ein seg heilt og holdent med sånn søppelpost!? Nokon som veit?

Elles syns eg det er (litt) vittig når interiørmagasinet BoligPluss skal kåre Noregs vakraste heim, og premiere vinnaren med eit nytt kjøkken. Treng Noregs vakraste heim eigentleg eit nytt kjøkken?... Kva med utemøblar i staden? Det er større sjanse for at Noregs vakraste heim har ein stygg hage, enn eit stygt kjøkken klart for utskifting. Berre ein tanke ;P





PS: Ventar forresten på ein sniktitt i bilder av Bohus sin nye utemøbelkolleksjon med salgsstart i månadsskiftet mars/april. Spennande! Vi får jo så stor hage no til sommaren, at eg er meir enn klar til å begynne å bevege meg i hagemøbelverda :)

PPS: Minner om GiveAwayen min, der du kan vinne skjønn veggdekor. Du kan melde deg på HER ;)

Hus og heim

Det er ikkje berre våren vi drøymer om her hos oss for tida. I tillegg til dagdrøyming om det foreståande bryllaupet, så drøymer vi og planlegg i høve den neeeesten like nært foreståande innflyttinga i vår heilt eigen heim.

Medan mannen drøymer om elekriske gadgets, så drøymer eg om puter, pledd og pynt til veggane:

(Trykk på linkane i beskrivelsane under,

for å komme til butikkane sine sider,

som eg har lånt produktbilda frå!)

Bohus sel blant anna desse fantastisk skjønne feel-good bilda til Marianne Aulie, trykt og spent opp på lerret. Vinglepetter Iselin klarer ikkje bestemme seg for kva for eitt av desse to som er finast - dei er jo ikkje så reint like sjølv om begge har klovne-motiv (har forresten lese i eit intervju at det ikkje eigentleg er klovnar, men kjensler...!). Så om det hadde vore eit alternativ så hadde eg sagt "Ja takk, begge deler!", eg skulle nemmeleg LETT klart å finne veggplass til begge to.

Vi skulle også hatt fleire dekorative og gode pynteputer til sofaen. Grått og kvitt er fint. Fordi saueskinn også er varm og deilig så hadde det vore toppers med nettopp ei saueskinnspute! Eg liker glam også, og ei brokademønstra pute ville tilført nettopp litt glam tenker eg. Og sist men ikkje minst, den fine hjorteputa er til ære for mannen. Stakkaren er oppfostra på hjortekjøt, men får ikkje smake det så ofte (trass i at hans pappa er hjortejeger), fordi eg dessverre ikkje klarer å svelge så mykje som en munnfull. Så i tillegg til at puta er fin å sjå på, så er den også ei fin trøstepute til mannen.. 

Og så teppet da. Eg har veldig lyst på eit bestemorsruta heklateppe. Dei er ofte dyre å kjøpe, og eg er ikkje spesielt god på å fullføre langtidsprosjekt, så dette til berre 399,- er jo ikkje verst verken i pris eller utsjånad. Og i alt det kvite og grå som er i vinden, er det ikkje feil med litt friske fargar for å gje ekstra glød i heimen.

Visaen lukter svidd i følge mannen...

Tja, no er det ikkje blitt fullt så gale at eg brukar shopping slik eg ellers gjerne brukar is og sjokolade (sjå føre deg Bridget Jones??). Men kva som enn ligg bak shoppemanien, så må Knut like fullt bære :) ..må og må... han er snill og tilbyr seg, men håpar kanskje at eg skal vere høfleg og takke nei når han spør om han skal ta den 4. og 5. overfylte posen, som i likheit med dei andre, bular slik at du lurer på når og ikkje om den kjem til å sprekke.. Med det kjem eg tydelegvis ikkje på å gjere når han er i godhjørnet og er med å handle. Då er eg berre Glad, og positivt innstilt til alt, inkludert hyggelege tilbod om privat "pakkesel" til mine nyinnkjøpte eigendelar :)

(Har visst satt staken opp ned når eg i hui og hast skulle ta bildet XD)

Når vi var heime i sommar gjekk vi ein tur innom Bohus, og der hadde dei "tilfeldigvis" masse fiiint der også... :) ..for eksempel masser av "fattigmannssølv" :) Eg liker fattigmannssølvet, akkurat som eg liker sink. Så på Bohus fant eg trøst etter tapet av bøtta som eg (då) ikkje fekk tak i på Kremmerhuset i Førde. Det vil sei, eg kjøpte ikkje så mykje på Bohus eigentleg. Kjøpte ein stake til kubbelys og ein holdar til telys. Begge i fattigmannssølv. Og så fant eg nokre heilt enkle, kremfarga kvardagskrus som kjem til å ta seg godt ut når eg får kjøkken med hylle på veggen som har sånne krus-knaggar på undersida. Det blir fint, og så med Norges-glasa mine oppå hylla :D ..Ser det føre meg.. :)

Synest det ser ut som eit kongeleg, antikt drikkebeger :D

Eg fant forøvrig langt meir enn det eg kjøpte, som eg vil ha men som vi ikkje har plass til så lenge leiligheita i storbyen i vest er vår heim.. Blant anna eit fiiint glasfat med sånn kuppel (eller klokke eller kva ein kallar det), til å ha kaker eller kjeks ståande på, utan at dei blir støv på før dei skal etast. Ikkje at kaker eller kjeks her i huset rekker å verte nedstøva før dei blir etne, men fatet var i alle høve fint og ville presentert kjeksa godt dei ti minuttane kjeks får vere kjeks her i huset :)

Ellers var der et artig baderomssett med såpedispenser, såpeholdar, tannglas (kvifor heiter det tannglas og ikkje tannbørsteglass, når ein oftast set tannbørstane oppi og ikkje tennene..?) og ikkje minst dobørsteholdar i prega metall med sirlege mønster. Eg likte såpeholdaren i grunn, men dokostholdar i prega metall med sirlege mønster blei i alle fall litt for mykje av det gode etter min smak..  Finurleg baderomssett i alle fall!

Forresten hadde dei emaljert sink også, i form av ei søt lita vasskanne meint til små potteplantar. Kunne i grunn tenkt meg ei sånn ei, så eg burde gjerne kjøpt ei i alle fall med tanke på at den kosta under 40,-. Men eg lurer på om kanskje ikkje dette er ein sånn greie som ser søtare ut i butikken enn kva den ville gjort heime? ...kunne ho uansett gjort nytte som vasskanne til inneplantane mine...

Eg får tenke på det, og når eg er ferdig å tenke så avgjer vel varebehaldninga til Bohus at eg ikkje skal ha ei sånn ei uansett kva eg har bestemt meg for. Akkurat som reingjeringsbøtta hos Kremmerhuset (i alle fall nesten) som virka til å ikkje ville bli mi, før eg endeleg traff blink etter relativt lang tids leiting...

Moralen er: Det er mykje forskjellig og fint på tilbod hos Bohus om dagane. Verdt å ta ein tur, i alle fall om du har nokon som kan bære fangsten heim for deg! :D


...unnlot visst å fortelle om den søte skåla eg kjøpte til snuppelita, forma som ei (gyldenfarga) krone.. Er nok eigentleg ein telysholdar, men eg trur den passar perfekt som holdar til dei små prinsessesmykka hennar :D