Det er storleiken det kjem an på..

Det er ikkje alle koppar

ein kan bruke som potteskjular.

Ta ein mokkakopp til dømes. Umogeleg.

Eller ein espressokopp!? Neppe.

Men denne romantiske jumbokoppen,

den passar nesten bedre som potteskjular,

enn som drikkekopp.

Kjærleiks skytsengel

Ein engel. Laga med omtanke.

Er vår kjærleiks skytsengel.

Den samme teksten som i gifteringane,

står skrive på skjørtet til engelen,

for å vise kven og kva engelen voktar.

Denne koolioen er mine foreldre sin.
Vi gifta oss på deira bryllaupsdag,
så dei fekk sin eigen av samme type
som det flotte paret eg kjøpte til oss sjølve.
For å vokte kjærleiken.

I gifteringane våre, altså i tillegg til navna våre,
der står det Alltid nær.
Berre to små ord, frå Jakob Sande sitt dikt "Du",
men dei seier så mykje synest eg..

♥

Estetisk Eggerøre

Ein kunne tru at dette innelegget skal handle om mat, men det skal det altså ikkje. Egg er meir enn berre mat, og eggerøre vert det om ein rører mykje med egg. Det har eg gjort. Eg gjorde det i fjor på denne tida. Eller, snarare mai 2010 når rett skal vere heilt sant...

Som du sikkert ser, så er ikkje det hønseegg. Heller ikkje andre egg i den kategorien forøvrig. Det er keramiske egg. Eg var så heldig at eg fekk ta eit heilt år med "berre" Kunst og Handverk. Og handverk kan ein faktisk få når ein driv mykje med kunst og sånt. Det gjorde eg. Jobba mykje med kunst (eller forsøk på kunst i alle fall) og handarbeid om eg kan bruke det begrepet.. Eg fekk heldigvis ikkje handverk, men eg trur allikevel det lett kan oppstå.

Desse egga er forresten årsaken til at det ikkje kom noko anna blogginnlegg her i dag. Eg har fått eit ærefullt oppdrag som inneber at eg får kikke innom Kunst og Handverk-seksjonen igjen (utan at lærarane der ringer studentvakta og melder om uvedkommande på avdelinga!!!). Eg skal nemmeleg innom og legge fram fordjupningsoppgåva mi for årets studentar der. Det betyr at eg må forberede meg litt... 

Lukta av leire er like full av godstemning og fine minner, som lukta av vår og sommar! ..det er forøvrig lukta av sløydsalen, tekstilverkstaden og grafikk- og bilderommet også... Å, kor eg savnar å arbeide med kunst og handverk! Og ååå, kor eg savnar våren - snart er den her. No har du fått eit glimt, både av våren og fordjupningsoppgava mi :)

...eller natt...