Eksamen, flytting og bryllaup

På bryllaupssida vår kan du sjå kor nærme bryllaupsdatoen vår er, og sjå kor langt vi har komt i planlegginga. Bryllaupsplanlegging er utruleg kjekt! Det er nesten så det er trist at det berre skal gjerast ein gong i livet. Kanskje må eg få mannen i huset med på fornying av løftene, med påfølgande fest, om 25år eller noko slikt. Så kan eg få ordna ein ny stor fest som denne!? Det hadde vore noko!

Men uansett, fordi eg likar å planlegge bryllaup, er tanken er å gjere om sida frå slik den er no - med mest fokus på info til mine gjester i det foreståande bryllaupet, til å bli ei side med oversikt over korleis vi har gjort det undervegs i vår bryllaupsplanlegging. Kanskje er det nokon som kan finne noko nyttig til eiga planlegging? Men først. Som eg har sagt så mange gonger før i den seinare tida; Først er det eksamen, flytting og så sjølve bryllaupet. Deretter vert det meir tid til bloggen og andre småhobbyar :)

Og ja! Vi er jo komt til årets første sommardag, så GOD SOMMAR alle saman.
Eg såg at Fransiscka si nye bok i eit bokhandelvindauge i dag - den stod nesten som eit heilt eige sommarteikn og lyste mot alle oss som gjekk forbi. Den boka trur eg at eg må ynskje meg.