Smak av sommar

I dag dumpa siste nummer av BONYTT ned i postkassa vår, med overskrifter som "Se våre vårlige hjem", "Årets hagemøbler" og "Interiørarkitektene slippes løs i hagen". Eg har ikkje åpna magasinet enda. Berre kosa meg med å kaste eit skråblikk bort på coveret no og då, og lengte. Lengte fordi eg ikkje orker tanken på å strekke ut armen. For ja - I dag er det vesentleg meir pain enn i går. Sånn til informasjon...

♥ ♥ ♥ *♥* ♥ ♥ ♥

Difor har eg unna meg ti nye fregner i ansiktet i dag. Èi fregne for kvart minutt i solariumet. Tre kroner stykket. Billegare enn dei tre eg samla i går. Dei kom på sju kroner stykket. Heldigvis kjem dei fortare etterkvart som huda vert meir vant med å få sol på seg, slik at stykkprisen går ned. For brune flekkar er jo tross alt bedre enn ingenting brunt i det heile. Allikevel synest eg ikkje at ei fregne burde koste meir enn max 30øre stykket, og til og med det er litt i overkant. Spesielt med tanke på at eg er student. Det burde vore studentrabatt på fregner. Eller momsrabatt, som dei har på sunne saker på Kiwi. Jordbær for eksempel.

(Gammalt bilde av fjorårets jordbæravling)

Vi hadde jordbær til dessert. Faktisk hadde vi jordbær og pærer. Måtte ha to ulike frukter, for vi har jo to barn. To hjelpevillige barn, som begge ville kutte opp. Difor ein fruktsort på kvar. Det er kjekt med hjelpevillige, ivrige små kokkehender

Godt var det også. Det smakte sommar. Modne, saftige jordbær og solvarm fregnehud - det er sjølvaste sommaren det.. Når sommaren er her er jordbæra enda bedre - dei norske jordbæra. Då er også fregnene billigare. Faktisk heilt gratis. Det skal bli herleg ♥