Meir til jenterommet

Vårt vesle dunder er etter alt å dømme like godt nøgd med fluesoppsaker, som er innkjøpt til rommet hennar, som det eg er. Det vil sei, ho likte fluesoppkrakken ho fekk frå Kremmerhuset. Og indirekte har ho dermed sagt seg einig i eit rom prega av skog, eventyr og Raudhette spesielt.

Trykk på collagen for å komme til innlegget

med spesifikasjonar om produkta/bilda.

Yngstetanta har hjelpt litt til, utan at det var tilsikta med tanke på tema. Då ho var på jentetur til Oslo i vinterferien, gjekk ho nemmeleg til innkjøp av nokre skjønne keramikkskåler frå Søstrene Grene.

Ei nydeleg muffinsskål med lokk, og to herlege kakestykkeskåler med lokk. Desse passer perfekt til Raudhette som skal til Bestemor med blant anna kaker i korga. Ei muffinssparebøsse, som er å få tak i hos KidsParadise - som bildet under er henta frå, ville komplimentert Søstrene Grenes fine skåler og temaet vårt perfekt!

Sengehimlingar har eg oftast komme over i duse pastellar, og aller helst rosa i så måte. Då var det veldig kjekt å finne denne, som er pynta med grønt og raudt på det kvite stoffet. Den tek opp at alle dei tre hovudfargane i temaet for rommet. Teppet som ligg på golvet her hadde heller ikkje vore å forakte - men når ikkje KidsParadise har det i sortimentet sitt, kvar skal ein leite då? Har du sett eit slikt gras-aktig teppe nokon stad?

(Bilde frå KidsParadise)

Mormor, eller eigentleg oldemor, traff også blink med ei gåve til snuppa. Ho fekk dette nydelege mini porselenserviset i raudt med kvite prikkar. Det er ei viss fare for at ho eigentleg ikkje er stor nok til å leike med slikt, med sine to og eit halvt år, for to av delane har gått i golvet og knust. Heldigvis ikkje verre enn at det er mogeleg å lime dei i hop att, men allikevel... Godt at det går an å kjøpe nytt i gåve når ho blir litt eldre, for dei har nemmeleg settet i sortimentet sitt på Brio!

Prikken over i'en i Raudhette-temaet, må vel bli å kunne pryde senga med dyne og pute kledd i dette sengesettet frå ByNord? Love it!

PS: Har planar om ei opprydding i etikettane mine her inne, så det vert enklare å navigere seg rundt i tidlegare postar, har du gode tips vert eg (som alltid) ikkje lei meg ;)