Opplevinga startar med parkeringa

For ti år sidan, den 15. desember 2001, vart vi kjærestar.

For åtte år sidan, i mai 2003, vart vi sambuarar.

For seks år sidan, i september 2005, vart vi foreldre saman.

For fire år sidan, den 30. mars 2007, skreiv vi under på ekteskapspapira.

For tre dagar sidan fekk vi kyrkjeleg velsigning som rette ektefolk,

og holdt bryllaupsfest med mange av våre nære og kjære.

♥ Endeleg ♥

Inneklemt mellom regnfulle dagar,

låg vår laurdag regnfri og venta på oss,

på mamma og pappa sin 28års bryllaupsdag ♥



 Blomstrane hadde eg berre gitt vage spesifikasjonar til,

men den vart heilt perfekt ♥

..og det var kjekt at ikkje alt var heilt 100% bestemt på førehand,

slik at den kom som ei hyggeleg overrasking på eit vis..

Dei søte små konglene som er å sjå her og der

er handplukka av mine søte små - guttungen og dunderet,

frå hemlock-treet som min gode morfar, som døde då eg var eitt år, 

kjærleg planta for mange år sidan.

Så var han på ein måte med denne dagen han også

♥ 

Så ei veke etter at leiligheita i Bergen er nedpakka, utvaska og forlatt,

så har vi endeleg parkert der vi skal dele heile resten av livet.

Den nye heimen har fått sin start, og markeringa

var litt av ei oppleving!

Min kjære onkel og gudfar sa det så godt i den fine tala han holdt til oss,

som han så kreativt fant inspirasjon til på baksida av ein parkeringslappe;

Opplevinga startar med parkeringa!

Eg gler meg til å kunne gje dykk meir oppdatering og fleire bilder frå dagen vår!

Og forresten håper eg å kunne annonsere familieforøkning etter helga.

To små kanin-nøster vert forhåpentlegvis våre på fredag,

og små og store gler seg stort til det

♥