Litt shabby, litt slitt og berre mannen sitt

Sandra med bloggen I en eske har komt med ei utfordring til Bloglandianarane til å vise fram sitt favorittkrus eller sin favorittkopp. Ettersom mannen i teorien er medskribent, og ettersom det er eg som faktisk har stått for produksjonen av mannen sitt favorittkrus (eller kopp?), så tek eg med friheita til å vise fram ikkje berre min favoritt, men også dette som er mannen sitt:

Koppen/kruset er heilt matt svart på utsida,

sjølv om lyset her gjer at den ser delvis grå ut..

Det er ikkje berre shabby og slitt. Faktisk så er det ikkje slitt i det heile, sjølv om det er velbrukt. Glasuren inni vart bevisst laga slik, for å illudere slitasje, og det gjer det jo!? Så shabby og slitt, men også robust. Veldig robust. Det er like godt utekopp som innekopp, og vi er ein del ute, så den vert ein del utekaffi. Dette er mannen sitt favorittkrus, og ettersom det er det einaste kruset eg nokon gong har dreia, og den einaste hanken eg nokon gong har laga og montert så er eg stolt. Mest stolt fordi mannen er så stolt og så tydeleg verdset det ♥

Mitt ♥ bankar mest (reint krus- og koppemessig sjølvsagt) for Rosendahl sitt GrandCru-servise, og dermed er også krusene som høyrer med i den serien min favoritt. Dei er liksom elegante samtidig som dei er kvardagslege og reine i designet. Eg gler meg til å få fleire - for foreløbig er nemmeleg desse to dei einaste eg har...