Naturen inn i heimen

Naturmaterialer er visst det store for tida - telyshaldarar av bjørkestubbar med barken intakt, kvistar satt saman med ståltråd til ein "ring" som potteskjular og denslags... Eg treng tid for at slikt skal kunne vekse på meg. Det gjeld i grunn for alle trendar. Når alle andre er lei, så er eg akkurat blitt vand nok med det til at eg kan begynne å like det og kunne tenke meg å hive meg på... Vanedyr eller konservativ eller noko i den duren ville gjerne vere eit passande begrep på meg når det kjem til mote, anten det gjeld klede eller interiør.

(Puta og bildet av puta er frå Skeidar)

Men ein ting kan eg like med ein gong med dette natur-greiene.
Rekved har eg ALLTID likt, så den trenden svel eg glatt og uten å tenke meg om. Og dessutan så synest eg at alle desse tekstilane som er komt med dyremotiv i svart/kvitt og gråtonar er kjempeskjønne! Kjøkkenhandkle, sengesett, putetrekk og så vidare med bjørn, ulv, hjort og så vidare... Love it!

(Sengesett og bilde av sengesett fra danske ByNord)

Hjortedyr er min favoritt. Så på sett og vis kan eg nesten synest vi er heldige som har hjortedyra gåande tett rundt husveggane Heime hos Oss, sjølv om de et opp det som er av godsaker som blomar og ikkje minst frukt- og bærplantar (noko som eigentleg ikkje er like kjekt når eg tenker meg om..). Men dei er jo så fine! ...både med og utan gevir...

Trur kanskje eit slikt hjortebilde skal få pynte opp ein av veggane i det kommande huset vårt, anten på lerret eller i glas og ramme. Litt til ære for dei fine hjortedyra sjølve (kolla er knipsa i vår eigen hage ;), og så for svigerfar hjortejeger (sjølv om eg ikkje likar å ete hjortekjøt...). Vassmerket skal forresten sjølvsagt bort før bildet skal på veggen, sånn i tilfelle det skulle råde tvil ift om det var ein del av bildet eller ikkje... ;P