Gjett kor glad eg er i deg

Vi har fått spysjuka i hus, og det er ikkje stas..
Men når eg no er skikkeleg lei etter berre nokre timar med kvalme og oppkast,
tenker eg på gravide som er kvalme i fleire veker og kanskje månader..
Men når ein er gravid så ventar det jo løn i enden av det heile,
og då er det allikevel ikkje så rart at vi vel å gå gjennom det heile! :)

Då eg var gravid med eldstemann fann eg verdas skjønnaste bok,

som eg berre ikkje kunne gå i frå i butikken.

...enda babyen i magen var langt frå "ferdig", 

og det var lenge til han ville vere interessert i bøker...

Den vordande pappa'en hadde lese at babyen i magen

"trengde" å høyre pappa'en si stemme før fødselen,

for å la seg roe av pappa'en si stemme etter fødselen...

Så på kveldane fekk eg klar beskjed om å lukke munnen

(noko eg generelt har og har hatt godt av å øve på),

og så han kunne lese høgt til babymagen

før vi sovna for kvelden...

Så medan pappa'en las til babymagen, 

vart mamma'en berre meir og meir forelska i den skjønne kaninhistoria,

og i den skjønne mannen sin...

(som om eg ikkje var forelska nok frå før)

Det har lenge gått sport i å vere meeest (eller høgst og lengst)

glad i kvarandre her Heime hos Oss.

Når eg kom over denne veggdekoren hos KidsParadise,
så kunne eg ikkje anna enn å bli nyforelska all over again...
Det er ikkje tvil om kva som skal pryde veggen over sprinkelsenga
når neste vesle gull ein gong kjem inn i familien!

NB! Ikkje gløym å melde deg på GiveAway'en, der du kan vinne eit nydeleg veggord..