Kongletid

No når det nærmar seg jul er det tid for å pynte med kongler blant anna.. Vi har ikkje kongler liggande til denslags, så difor bestemte vi oss for å gå på konglejakt vel vitande at det i grunn ikkje er rette tida på året for å finne fine utsprungne kongler... Men vi gjekk i alle fall, og koseleg var det!

Med nugattismurde gaupespor i kveldsmatpakka, og ull innerst mot kroppen gjekk heile familien  på tur i furuskogen. Som "frykta" var der kun nye, lukka kongler å finne på bakken. Men vi plukka dei no med oss allikevel... Kanskje kan ein få dei til å opne seg ved å la dei tørke skikkeleg opp? I bakaromnen for eksempel? ...eller kanskje skal vi berre la dei tørke sånn passe, og bruke dei som dei er... Når eg berre har fått google litt om kongler, så skal eg bestemme meg ;)

Og medan eg googler så et eg havrefras med coco-loco fruktbiter fra nøttefabrikken,

i (og det var dette eg skulle fram til:) ei skjønn skål som eg kjøpte for litt sidan på eit konkursutsalg på Midttun. Kjøpte berre tre stykker, for å ikkje framprovosere eit hjerteinnfarkt eller liknande på Knut.. Men no har eg lyst på fleire. Eg vil ha 12stk til saman. Kanskje eg må på Midttun ein dag, i håp om at dei har skålene inne enda... ;) 

PS: Visst du veit eit kongletriks som du er villig til å dele, blir eg veldig glad for det altså! ;)