Hald ustyret i orden

Når det skal vere kos å vere på kjøkenet og lage mat, er det visse kriteriar som må fylgjast opp for at det heile skal gå i hop.. Fleire av den slags kriteriar er nok individuelle, men eitt krav er unviverselt, og det er at ein må ha heilt elementert utstyr i orden.

Eg skal ikkje nemne namn, men eg var ved eit høve på besøk hos eit venepar og fekk spørsmål om eg ville lage ein god middag til oss dersom dei berre handla inn det eg ville ha av råvarer. Det var meg ei ære å bli spurd, og eg ville sjølvsagt gjerne lage mat så vi kjøpte noko godt kjøt som var hovudråvara i retten. Lite visste eg, når vi kjøpte ikkje oppskåret kjøt, at det dei pleidde kokkelere med av knivar var slitent biffbestikk.. Eg angra brått på at vi ikkje hadde handla inn ferdig oppskåret! Hehe :)
Kjøtet såg mildt sagt tygd ut når det eigentleg berre var oppskåret, og ikkje mindre tok det nærast eit halvt århundre å skjære det i det heile! Så når eg skulle kjøpe gåve til dei ved eit seinare høve var saken klar; Victorinox! Så var eg sikker på at vi slapp liknande scenario seinare ;D

Forresten, Eg elskar mine Victorinox-knivar. Ja eg har fleire, ein heil koffert pluss litt til, og alle er med treskaft. For det fyrste er dei med treskaft beitre å halde i enn dei med (svart) plastskaft, men dei er dessutan også finare å sjå på - dersom du berre tek godt vare på dei ;)

Eg treng kanskje ikkje fortelle dykk, at gaffelen til venstre har sett sine bedre dagar, har hatt opptil fleire turar i oppvaskmaskina og ikkje har fått smakt olje sidan han kom frå fabrikken? Gaffelen til høgre er av nyare dato, og har fått olje på kroppen derimot, og held seg laaangt bedre ;) Dei er begge av same sort forresten, så kvalitetsmessig sånn sett er det ingen forskjell på dei to gaflane, det er berre behandlinga som skil dei..

Akkurat som alt anna treverk må knivskaft og anna settast inn med fargenøytral olje jamnleg for at det skal halde seg fint. Eg brukar raps- eller solsikkeolje for eksempel, og synest det fungerer fint.. Og forresten, noko som kanskje ikkje alle er klar over heller, så må knivane for all del ikkje i oppvaskmaskina eller leggjast i bløyt over lengre tid! (Nei, som biletet over syner, så er eg ikkje så flink til å følgje opp mine eigne råd alltid heller..)

Men som de gjerne skjønar så har eg no altså tatt grep. Og eg har lovd meg sjølv og knivane mine (som er nokre av mine beste vener når eg skal lage mat), at dei skal få oljebad litt oftare enn alt for sjeldent :) Det bør la seg gjere for det tek knapt eitt minutt å få dei inn med olje, og eitt minutt og legge dei til avrenning etterpå.. Eg set berre knivar og biffbestikk med treskaftet ned i eit oljefylt litermål. Så let eg det stå over natta, før eg tek alt opp, legg det på ei steikerist over vasken så det får renne av seg og tørkar det overflødige av med ein tørr klut. Knivane ser med ein gong bedre ut og levetida har auka, på null komma svisj :)





PS: Olja som framleis er i litermålet kan nyttast til oljing av kjøkkenbenken dersom den er av heiltre, eller til å olje anna kjøkkenutstyr av ubehandla tre, som til dømes sleiver, etepinnar eller liknande.. :)